Este venres, os compañeiros de Hábitat confiaron en min para impartir unha charla sobre a vida deste escaravello nocturno das praias. Isto explícase porque me pasei os tres últimos anos fotografando mensualmente e estudando unha das súas poboacións. Algunhas conclusións do estudo foron expostas nun traballo de terceiro ciclo na facultade da Coruña, e comunicaranse no grupo para a súa valoración dende o punto de vista conservacionista.
Primeiro repasaremos a histórica descrición da especie Eurynebria complanata (Linnaeus, 1767) e situación taxonómica, a súa distribución por Europa e África, e logo algúns aspectos singulares da súa bioloxía. Tamén comentaremos os estudos ecolóxicos que xe fixeron en varios outros países, sobre todo en Italia e Francia, e por último expoñeremos os resultados do estudo levado a cabo na Costa da Morte: tamaño de poboación, relación de sexos, biometría, as oscilacións na súa abundancia, etc.
Confío en que esta aproximación científica ao estudo desta especie de carábido, da tribo dos Nebriini, contribúa tanto a familiarizarnos coa bioloxía dos escaravellos da terra ou carábidos en xeral, importantísimos como indicadores do estado de conservación dun medio; como a proporcionar unha posibilidade de estudo de vivo dalgúns artrópodos, algo infrecuente aínda, e non sempre posible, nos estudos dos ecosistemas, neste caso das praias areosas con vexetación dunar.
Máis información sobre a charla na páxina do grupo Hábitat.
Primeiro repasaremos a histórica descrición da especie Eurynebria complanata (Linnaeus, 1767) e situación taxonómica, a súa distribución por Europa e África, e logo algúns aspectos singulares da súa bioloxía. Tamén comentaremos os estudos ecolóxicos que xe fixeron en varios outros países, sobre todo en Italia e Francia, e por último expoñeremos os resultados do estudo levado a cabo na Costa da Morte: tamaño de poboación, relación de sexos, biometría, as oscilacións na súa abundancia, etc.
 |
| Macho maduro de escaravello das praias, Eurynebria complanata. |
Máis información sobre a charla na páxina do grupo Hábitat.
Enhoraboa polo traballo que seguro aportará uns datos moi interesantes. Este fermoso é curioso carábido (sobre todo polo seu hábitat) aínda non tiven a oportunidade de fotografar, pero seguro que non tardaréi en facelo, saúdos
ResponderEliminarHai que seguir, non tanto para mellorar os resultados (que tamén), senón para rexistrar o inevitable retroceso que sufrirá esta especie por distintas causas. Unha delas, a curiosa metamorfose que sufriron as tradicións populares en fenómenos de masas (os macro-San-Xoáns), outra, a necesidade de sacar a máquina contra a natureza, un instinto cada vez máis forte no mozo (xuvenil de H. sapiens industrialensis) do século XXI, a alegría á hora de aplicar os biocidas sistémicos, o cambio climático... Grazas polos ánimos, tiven moito traballo e aínda me agarda bastante para publicar algo en condicións.
ResponderEliminar